L'era li, mattina e sera
a sul cantòn de Via Capél
sora un vecio cavaleto
la posava el sò sestel.
Con çinquanta, çento franchi
la te dava i so maseti
che i savèa de primavera
e i brilava de rosà.
"Siora Melia, cosa gala
da portarghe a me morosa"
"G'ò de tuto bel moreto
ma voi darte la mimosa.
Col so far da popolana
la sigava a tuta gola
"la vàl manco d'un garofano
dài compreme la mimosa".
Pò d'un colpo l'è sparida
s'à smorsà la so canson:
ò pensado l'è partida
ma par qual destinassion?
Mi la vedo la sù in alto
nei giardini che gh'è in cel
che la gira in meso ai angeli
con al brasso el sò sèstel.
Carla Zanini Ferrari
Donna con cesto di fiori e un uomo che l'abbraccia
Nessun commento:
Posta un commento