A la mama bisogna volerghe ben
fin che l'è viva,
parchè quando l'è morta
se fa poca fadiga.
Me vien da ridar
quando vedo serti fioi
che dopo du giorni
che i ghe là soto tera,
i va a 'nfiorarghe la tomba
che la par 'na sera.
Tuti vestidi in nero
e con 'na malissia assè schifosa
i se mete in zenocion,
e sgranando la corona
el par che i diga le orassioni!
Prima de vegner via,
i ghe darà almanco vinti basi e la fotografia.
Se qualche amigo se vissina
e ghe fa le condoglianze
i se mete a piansar,
i se dispera, 'mbastendo 'na commedia...
che la par qusi vera.
So mama che da lassù la vede tuto,
la ciama da 'na parte la Madona
e in confidenza la ghe dise:
"guarda Ti un pò là
che rassa de fioi semi che g'ò 'rlevà.
Adeso che son a posto
e no g'ò bisogno più de gnente,
i spende 'na fortuna
sol par fasre vedar da la gente.
E fin che era viva
me g'à sempre dà un piato de minestra longa
...e anca biastemà!"
Zia Maria
Dipinto Vincenzo Irolli
Nessun commento:
Posta un commento