Al primo arfiar del vento
de un dì de primavera,
spaniva tanti fiori drento un pra
lavadi da la sguassa de matina.
Le nuvole d'argento
balava su nel cel
caressando le stelle picenine
sconte la su in-t-un mar de umilità.
'Na verde destesa rebutava
arente al fior del pissacan,
spighe d'oro se maurava
segnando celesti orizonti
par tramonti ancora piassè ciari.
Coi slusini de l'aurora
e negà ne la speransa,
eco...è nata...
una grande Associassion.
Cori grandi e ne l'anima ugualiansa
pieni sgonfi de speransa
drento a tanta dignità...
OIKIA
che, così l'è sta ciamà.
Gran Signora e l'è regina
senza ori e nissuna vanità.
Nel silensio l'è pressiosa,
sempre pronta a tuti quanti,
la regala a piene man
quel'amor che la g'à in cor.
E l'è mama e l'è na sposa
come un'ava laboriosa,
sempre linda questa dona
'sta signora casalinga.
L'è 'l riflesso de la vita,
canto dolce la so assion,
umiltà de margherita...
ma vestida de un gran sol.
Marchiotto Germana Lugoboni
Nessun commento:
Posta un commento